Geir á BBC

Svosem engin ný sannindi, en ég vona innilega að Geir H. Haarde hugsi vandlega um það að hætta við að hætta ef að læknismeðferð vinnur á því meini sem hann er að berjast við.

Auðvitað á hann að biðjast afsökunar á því að þetta hrun varð á hans vakt, en ég tel að hann sé einn fárra stjórnmálamanna okkar sem hafa áhuga á friði í samfélaginu og því ætti það að vera kostur fyrir þessa þjóð að hann verði þingmaður okkar.

Ég viðurkenni alveg að ég varð fyrir vonbrigðum með það að hann náði ekki meiri árangri sem formaður Sjálfstæðisflokksins, hann átti að vera fastari fyrir og ákveðnari í þeim áherslum sem hann trúir á og minnka hlut öfgafrjálshyggjuarmsins í flokknum.  Það tókst honum ekki og því er ég á því að hann hafi gert rétt í að vera ekki formaður áfram.

En Geir yrði góður þingmaður fyrir Íslendinga tel ég.

Svo er að vona að hinn sérstaki saksóknari finni út einhverjar merkilegar staðreyndir.  En sennilega er málið einfalt, stóreignamenn rændu almenning þessa lands í dagsbirtunni og eftirlitsstofnanirnar brugðust algerlega.  Nú er komið að því að sækja það sem hægt er af peningum almennings og búa til eftirlitskerfi sem kemur í veg fyrir annað svona áfall.

Strax.

Geir: Biðst ekki afsökunar

Athugasemdir

[Vilborg Traustadóttir, 12.2.2009 kl. 12:35]

Ég segi bara amen á eftir efninu!

[Magnús H Traustason, 14.2.2009 kl. 11:00]

Geir er eflaust ágætis maður. Það ber þó að hafa í huga að undir foristu hans fór Ísland á hausinn sem verður að viðurkennast að er frekar leiðinlegt til afspurnar. Ég tel hann búin að fá sitt tækifæri. Hann glutraði því niður. Næstu 20-30 árin verður þjóðin að komast út úr því allra versta. Ekki meir Geir.

[Magnús H Traustason, 15.2.2009 kl. 00:08]

Aftengdur vegna kvartanna.

Ritskoðun á mbl.

Neðangeind umsögn mín Dapurleg endalok var aftengt fréttinni um að Davíð segi ekki af sér. Þar varpa ég fram spurningu um andlegt heilbrigði Seðlabankastjóra. Ekki er lengur hægt að sjá þessa umsögn mina tengda  fréttinni.. Þessi aftenging segir allt sem segja þarf. Ég mun halda áfram að spyrja þessarar spurningar.

Davíð segir ekki af sér

Innlent | mbl.is | 8.2.2009 | 17:17

Davíð Oddsson, seðlabankastjóri, hefur svarað bréfi Jóhönnu Sigurðardóttur, forsætisráðherra, að hann hafi aldrei hlaupið frá verki sem hann hafi tekið að sér og það muni hann ekki gera nú. Það er því ljóst að hvorki Davíð né Eiríkur Guðnason verða við beiðni Jóhönnu um afsögn úr starfi.

Dapurleg endalok

Sorgleg að verða vitni að svo niðurlægjandi endalokum á starfsferli Davíðs Oddssonar.  Er maðurinn andlega heill?????? Nú maður spyr sig. Fordæmalaust að flækjast fyrir nýrri ríkistjórn á þennan hátt og senda fólkinu í landinu þau skilaboð að hann sé þjóðinni mikilvægari.

Davíð segir ekki af sér