Þarf að skoða gæsluna á Laugardalsvelli.

Var á vellinum í gær, í hólfi B.

Þar var auðvitað meirihlutinn íslenskir áhorfendur.  Eins og á vellinum.  Þar voru hins vegar á víð og dreif Lettar.  Eingöngu fullorðnir karlmenn og margir hverjir AKÖLVAÐIR.  Stutt frá mér voru 5 náungar sem voru sér ekki til sóma.  Stóðu nær allan tímann, sönglandi, með fána á stöng.  Fólkið sem sat aftan við þá fékk varla að sjá leikinn.  Neituðu að setjast og voru með tóma stæla.

Ég lenti ekki sjálfur í þessu, en lét þetta pirra mig verulega.  Naut þess ekki nægilega vel að horfa á leikinn.  Burtséð frá slökum leik okkar manna.

Svo hlaut að koma að því að gæslumenn birtust.  Þá brá mér.

Þetta voru 17 - 19 ára stráklingar sem augljóslega lögðu ekki í að fjarlægja mennina.  Enda alveg viðbúið að það hefði reynst þeim ansi erfitt.  Ég beið alltaf eftir því að löggan kæmi, en varð aldrei.

Þegar á leikinn leið fóru að tínast fleiri Lettar að þessum hóp, því nokkuð var af auðum sætum ekki langt frá.  Ég ætla að votta þeim virðingu mína sem sýndu þá sjálfstjórn að bregðast ekki við með látum þessari hegðun síðustu 30 mínútur leiksins.  Höfðu greitt fyrir miðann sinn, en sáu mest í bakið á lettneskum áhorfendum sem voru skammarlega drukknir margir hverjir.

Á meðan á þessu stóð var "aðkomuhólf" vallarins nær tómt, þ.e. hólfið sem ætlað er stuðningsmönnum aðkomuliðsins.  Á erlendum völlum hefði klárlega verið unnið heilmikið verk við það að safna þeim áhorfendum sem studdu Lettana þangað.  T.d. sáu menn hvað gerðist á leik Wigan og Liverpool nú nýlega þegar svipaðar aðstæður sköpuðust.

Ég er viss um að KSÍ munu fara yfir þetta mál, Ísland er ekkert öðruvísi en önnur lönd.  Maður er að fara á völlinn til að fá ákveðna útrás og aðstæðurnar víðs vegar á Laugardalsvelli buðu upp á átök.

Sem og það séríslenska dæmi að hliðin á völlinn séu opin eftir að leikur hefst.  Fyrstu 10 mínútur leiksins í gær var maður í því að standa upp fyrir fólki sem var að mæta og beygja sig til og frá til að sjá leikinn fyrir fólki sem var á leið til sæta sinna.

En í gær missti maður nú reyndar ekki af miklu.  Ætla ekki að pirra mig á að skrifa um arfaslakan leik íslenska liðsins, sem virðist hugmyndasnautt, utan Eiðs Smára, sem sýndi í gær enn hvers vegna hann er ómissandi í íslenska liðinu.

Átök fótboltaáhugamanna stöðvuð í fæðingu

Athugasemdir

[kristinn (IP-tala skráð) 14.10.2007 kl. 14:50]

Alveg er ég sammála þér. Var á leiknum. Gæslan á leiknum var KSÍ til skammar!

[oskar (IP-tala skráð) 14.10.2007 kl. 21:07]

klárlega sammála þér, þetta kannski sýnir amatúr mennsku hjá ksi, alveg til skammar að aðdáendur útiliðsins fá að sitja hjá stuðningsmönnum heimalíðsins, Synir kannksi að þessi´"útistúka" er bara notuð þegar að miðar eru seldir til útlanda en ekki til þeirra sem kaupa miða hérna heima.

En hins vegar mundi maður ekki sjá þetta í englandi að einhverjir 5-10 manns myndu vera að fanga og veifa fánum innan um "harðkjarna" stuðningsmanna heimaliðs.

annars góður pistill hjá þer ;)