Frábær viðskipti hjá mínum mönnum!

Mikið ofboðslega er ég kátur með þessa frétt sem hefur nú verið staðfest á heimasíðu Lakers! 

Í vetur er liðið á fínni leið í átt að því að verða alvöru keppendur að NBA-titlinum og þessi viðskipti munu sko heldur betur færa liðið í þá átt!  Pau Gasol þýðir það að þegar að Bynum kemur til baka erum við með svakalegt byrjunarlið sóknarlega, með 4 leikmenn sem geta skorað 20 stig án þess að finna fyrir því.  Byrjunarlið með Fisher, Bryant, Odom, Gasol og Bynum!  Glæsilegt!

Svo auðvitað er maður með Evrópuhrokann og gleðst yfir því að enn einn úr okkar heimsálfu fái að leika lykilhlutverk með Lakers.  Auðvitað var Pétur okkar Guðmundsson fyrstur, honum fylgdi Divac og Gasol verður þriðji Evrópubúinn í liði Lakers, með Vujacic og Radmanonvic.  Frábært, just watch us go!!!

Leikmannareglurnar í NBA þýða auðvitað að við misstum leikmenn í staðinn,  Crittendon verður örugglega góður leikmaður, en Farmar og Fisher eru flottir leikstjórnendur og því máttum við missa einn, Aaron McKie er bara settur til að jafna út launamálin og viðbúið var að við misstum valrétti 2008 og 2010.  Verst finnst mér að missa Kvarme karlinn Brown.  Veit að hann hefur ekki náð þeim hæðum sem ætlast var til hans þegar hann kom inn í deildina, en hann var greinilega á skárri leið og maður vonaðist eftir öskubuskuævintýri.  Reyndar er samningurinn hans að klárast, kannski kemur hann bara aftur í Staples Center í sumar!?!?!?

Verð nú samt að láta fylgja með aðalástæðu þess að ég er Lakersmaður.  Pabbi auðvitað var úti í LA og það var mín leið til að lina sársauka hans að halda með því liði líka!  Hann hélt nefnilega (og heldur) með Manchester United og því vorkenndi ég honum það mikið að ekki kom annað til greina en að vera með honum í körfunni!!! 

Tímarnir breytast.......

Gasol á leið til Lakers

Athugasemdir

[Örn Ragnarsson, 3.2.2008 kl. 10:13]

Ekki vissi ég að hugur þinn til þess frábæra félags sem ber nafnið LA Lakers væri byggður á vorkunnsemi, en lengi má manninn reyna.

Annars er hér spurning: Veistu af hverju þeir heita LAKERS?

Pabbi

[Magnús Þór Jónsson, 7.2.2008 kl. 18:15]

Neibb.

Varstu búinn að gleyma þessu, var að spá í að halda með Sixers út af því að þeir voru í Liverpoolbúningnum á sínum tíma austur á Eiðum, en svo fannst mér nú hæfa að við ættum Lakers saman!  En gaman væri að vita út af hverju þeir heita Lakers.......