Tveir dagar í barnafréttir!

Síðustu dagar hafa auðvitað að mestu farið í undirbúning fyrir nýjasta erfingjann, sem verður innfæddur Vestlendingur væntanlega!

Við Helga keyrum suður á Akranes á morgun, þar sem Helga svo hefur fæðingarferilinn um miðjan sunnudag, ég mæti svo eftir morgunkaffið um áttaleytið á mánudag og hitti hana rétt fyrir keisaraskurðinn og fæ svo að vera hjá henni áfram allan daginn og fyrstu nóttina.

Búið að vera svolítið sérstakt að vita af þessum fæðingardegi barnsins okkar svona lengi.  Maður veit að það er 25.febrúar sem verður afmælisdagur framtíðarinnar og því hefur maður talið niður dagana og auðvitað er komin upp kvíðablandin spenna, sem vex nú með hverjum klukkutímanum.

En tilhlökkun er auðvitað það orð sem að best lýsir stöðunni núna.

Tilhlökkun að sjá þetta barn sem við höfum vitað svo lengi af, hverjum það líkist og hvernig karakter það geymir.  Auðvitað erum við eilítið kvíðin fyrir þess hönd að vera fiskur innan um þrjá hrúta á heimilinu en vonum bara að það sé gott í að synda fram hjá jarmi okkar hinna og stungum!

Svo verður þetta í fyrsta skipti sem hjúkrunarkona eða læknir lætur mig vita hvort kynið barnið er.  Það er auðvitað líka spennandi.

En á mánudag verður látið vita inn á þessa síðu hvort ég verð umvafinn kvenfólki, sem hefur nú löngum þótt mikil gæfa, eða kominn sé strákur sem mun þá verða varanlega ofdekraður af konunum í kringum hann!

Gaman.

Athugasemdir

[Stella (IP-tala skráð) 23.2.2008 kl. 12:30]

Gangi ykkur vel þetta verður yndislegt.

Hef á tilfinningunni að það komi strákur en það sem skiptir mestu máli er að allt gangi vel.

Knús á ykkur

[Hulda Margrét Traustadóttir, 23.2.2008 kl. 14:54]

Það væri nú gaman fyrir þig Maggi að fá strák, og ykkur bæði auðvitað - en þú hefur hingað til heldur betur staðið "þína plikt" með allar stelpurnar þínar - fyrir mestu að allt gangi að óskum.

Gangi ykkur sem allra, allra best. Fylgist með á mánudaginn

[Ísdrottningin, 23.2.2008 kl. 18:38]

Gangi ykkur allt í haginn.

[Guðný í Knarrartungu (IP-tala skráð) 24.2.2008 kl. 14:49]

Gangi ykkur alveg rosa vel, mér finnst þetta alveg stórmerkilegt að vita nákvæmlega hvenær krílið lítur dagsins ljós

Hlakka til að kíkja á síðuna þann 25. feb.

Kær kveðja úr Breiðuvíkinni, Guðný

[Vilborg Traustadóttir, 24.2.2008 kl. 19:57]

Ég bíð spennt eftir fréttum.....;-) Gangi ykkur allt í haginn.

[Sigurjòn Pàls (IP-tala skráð) 24.2.2008 kl. 21:04]

Gangi ykkur allt ì haginn à morgur  kv.sp

[Hulda Margrét Traustadóttir, 25.2.2008 kl. 13:46]

Hm....engar fréttir ? En ég er samt búin að fá fréttir usssssssss, segi ekki bobs.....

[Stella (IP-tala skráð) 25.2.2008 kl. 14:29]

Innilega til hamingju með nýjasta fjölskyldumeðliminn

Yndislegt

[Sigríður Hallsteinsdóttir (IP-tala skráð) 25.2.2008 kl. 14:40]

Innilega til hamingju með nýjustu dömuna, gangi ykkur allt hið besta. kv. úr Breiðholtinu.

[Hulda Margrét Traustadóttir, 25.2.2008 kl. 18:45]

Verð bara að segja til hamingju þó þú hafir ekki gefið þér tíma til að skutla inn tilkynningu - sem maður skilur nú vel á svona stórum degi. Gangi ykkur sem allra best Það verður gaman að sjá að okkur telst til 16.ánda barna barna barn Huldu og Trausta.....komst að þessari niðurstöðu í dag að Ragnar Snær  hafi verið nr. 15 og ykkar númer 16.

Ef ég er að fara með rangt mál biðst ég afsökunnar, aldurs vegna

Hafið það gott og njótið hreiðurgerðar og samveru....Magga "móða"