Já sæll frændi...

Jón Bjarki stóð fyrir sér og sinni réttlætiskennd í kvöld. 

Viðurkenni alveg að ég hrökk við þegar ég heyrði að hann væri að vaða í Reyni Traustason fyrir framan alþjóð og sat kvíðinn í upphafi þáttar.

En upptaka hans af samskiptum hans og Reynis auðvitað breytti lykilstaðreyndum í málinu og algerlega ljóst að þetta skúbb frænda míns á fullkomlega rétt á sér og verður væntanlega rætt á mörgum vettvanginum næstu daga.

Ferðalag stráks um Austurlönd fjær og síðan aftur til Kína, í bland við augljósan ritáhuga og mikinn áhuga á mannlífinu er að gera úr honum mikinn blaðamann sýnist mér, og í lok viðtals stóð hann sig frábærlega að skvetta af sér ásökunum jaxlsins mikla, eins og vatn hrykki af gæs.

Eftir stendur að réttlætiskennd Jóns Bjarka er stærri en ritstjóra "harðasta" blaðsins í bransanum og ljóst að allir fjölmiðlar landsins liggja nú undir stækkunarglerinu því samkvæmt augljóslega réttum upplýsingum dagsins er ljóst að þeir fá ekki að flytja allar fréttir.

Gaman verður að vita hvenær menn þora að ræða Jón Ásgeir í hans miðlum, þeir eru uppteknir af því að hamast á stjórnmálamönnum meðan hann kaupir brennandi kennitölur fyrir sína peninga, eða eru þeir til ennþá, hans peningar?!?!?!?!?!?

Til hamingju með frammistöðuna frændi, vonandi færðu vinnu hið fyrsta og heldur áfram að reyna að flytja okkur fréttir af því sem gerist, óháð því hverjir eiga í hlut!!!

Upptaka af útskýringum ritstjóra DV

Athugasemdir

[Fannar (IP-tala skráð) 16.12.2008 kl. 00:06]

Þvílíkur lygari, ómerkingur og hræsnari sem þessi Reynir Traustason er.  Þarna komst upp um strákinn Tuma

[Guðrún (IP-tala skráð) 16.12.2008 kl. 00:11]

Það er svínslykt af þessu

[Oskar Steinn Gestsson (IP-tala skráð) 16.12.2008 kl. 02:42]

Sæll vinur, góður hann frændi þinn, mér datt snilld í hug. DV leitar af hetju ársins og ég fullyrði að hann frændi þinn á heiðurin skilinn, fyrir utan hvað það væri vandræðalegt fyrir þessa skúrka að verðlauna hann fyrir verknaðinn. [e-mail] - Jón Bjarki Magnússon ég er búin að hvetja alla vini á facebook og hvet þig til að hvetja alla aðra! Sjáumst í krýningarveislunni :)

[Hulda Margrét Traustadóttir, 16.12.2008 kl. 07:04]

Hann stóð sig vel frændinn okkar

[Vilborg Traustadóttir, 16.12.2008 kl. 12:34]

Nú verðr Jón Bjarki og við að stofna frjálsan og óháðan fjölmiðil.