Davíð misskilur

Málið snýst ekki um hvort hann hafi gert stór mistök.  Ég held að hann hafi ekki gert stærstu mistökin, og margt hafi hann gert rétt.

En málið er einfaldlega þannig að stjórn Seðlabankans hefur glatað trausti fólksins, þ.e. meirihluta þjóðarinnar og við slíkt verður ekki búið í því ástandi sem nú er í gangi.

Davíð og Eiríkur hafa ákveðið að fara ekki burt án baráttu og nú munu næstu dagar fara í að slást um stól, eða stóla Seðlabankastjóra og á meðan mun enn draga úr tímanum sem ætti að fara í að endurreisa samstöðu Íslendinga og reyna að toga þjóðina alla í eina átt.

Í staðinn verða læti í fyrramálið við Seðlabankann og vinskapur Jóhönnu og Davíðs er úr sögunni.  Áfram er höggvið í allar áttir og þjóðin okkar er ekki á leið til sáttar.

Það finnst mér verst að Davíð átti sig ekki á og reyni að leiða til sátta, hann hefði orðið maður að meiri.

Davíð segir ekki af sér

Athugasemdir

[Offari, 8.2.2009 kl. 18:25]

Ég hef illan bifur á mótmælum morgundagsins. Fari þau út um þúfur er hætt við að samstaðan bresti.

[Vilborg Traustadóttir, 8.2.2009 kl. 23:40]

Slæmt mál að maðurinn sé svo hrokafullur sem ray-un ber vitni. Hann o.fl. eru eitthvað utna við sig að tta sig ekki á hver staðan raunverulega er!

Að efna til pólitískrar togstreitu, fella stjórn sem í er hans eigin flokkur og ætla sér að svo halda áfram endalaust er vægast sagt mjög skrýtið.

Ekki traustvekjndi verð ég að segja.