Gleðilegt ár - velkomið 2010

Eins og áður hefur komið fram hér á þessum pistli heilsa ég nýju ári glaður, horfi bjart fram á veginn að loknu erfiðu ári.

Í kvöld var frábært brennuveður, tunglið lýsti upp Breiðina þar sem brennan logaði og flugeldasýningin eins frábær og alltaf.

Eins og siður er orðinn hér á Selhól var mesta sprengjustuðið um miðnætti og að því loknu tóku við knús og nágrannaheimsóknir.

Mikið vona ég að leiktjöldin sem eru allsráðandi á fyrstu klukkutímum nýs árs séu fyrirboði bjartrar framtíðar fyrir lýð og land.

Gleðilegt nýtt ár vinir mínir.  Takk fyrir þau gömlu!

Árið kvatt í Snæfellsbæ

Athugasemdir

[Guðmundur St Ragnarsson, 2.1.2010 kl. 20:57]

Gleðilegt ár kæri vinur og frændi. Ég vona að árið 2010 verði okkur báðum örlítið léttara.