Bloggpása í sumaryl og nýr bloggvinur

Halló!

Veit að langt er frá síðustu færslu, vona að einhver sé enn að tékka á mér annað slagið.  Það er bara búið að vera svo frábært sumar á Sandinum að varla hefur verið kveikt á tölvunni á Selhólnum.  Er núna að stelast til að blogga í vinnunni.

Hún er ekki enn alveg búin, er að vesenast í skýrslugerðum og skipulagi næsta skólaárs.  Vona að ég komist langleiðina með það í þessari viku, en reikna líka með einhverjum dögum í þeirri næstu.

Sauðanesættarmót um helgina, hlakka mikið til.  Alveg gargandi þátttaka og fín veðurspá.  Verður örugglega skemmtileg helgi, ætla að labba á fjöll og njóta sveitaloftsins á Nesinu.

Langar að bjóða nýjan bloggvin, Gunnlaug Ella P, einstaklega velkominn í bloggheima.  Kafaramenntaði sjóarinn og mágur minn er ekki skoðanalítill maður og gaman verður að kíkka á hans hugðarefni annað slagið.  Strákur orðinn rammruggandi sjóari og aflakló mikil sýnist manni á fyrstu bloggunum.

Velkominn í Bloggliðið Gunni minn.

Athugasemdir

[Vilborg Traustadóttir, 19.6.2007 kl. 21:10]

Já það verður vonandi "bongó blíða" um helgina nyrðra. Allir að aka á löglegum hraða!  TAKK!  Ætla að lesa Gunna og sjá hvað hann er að bardúsa á blogginu!  Kær kveðja á Nesið og Sandinn!

[Margrét Traustadóttir (IP-tala skráð) 20.6.2007 kl. 08:25]

Halló.

Spáin á mogganum er sól og aftur sól...vonandi rætist það. Já góð mæting og allir í góðu skapi og hlakka SVO til. Þetta verður bara gaman. Sjáumst heil á nesinu góða og já allir að aka varlega.

Sjáumst Magga "móða"

[Stella frænka (IP-tala skráð) 20.6.2007 kl. 09:40]

Hlakka líka ROSA til að hitta allesammen um helgina..já allir að fara varlega