Sumarfríi lokið!

Jæja, vona að einhverjir tékki sig hér inn á ný, enda sumarfríi síðunnar lokið.

Komum heim eldsnemma á sunnudagsmorgunn eftir 16 daga frí á Spáni.  Nánar tiltekið í hverfinu La Mata, úthverfi Torrevieja.  Bara æðislegt.  Aldrei undir 33 gráðum hitinn og strönd í þriggja mínútna fjarlægð.

Hekla, Helga og Birta sólbrúnar en við Thelma svona huggulega ljósbrún (eða bleik) eins og við alltaf verðum á sólarströnd.  Mjög gaman og klárlega hægt að mæla með Torrevieja sem sumarleyfisstað fyrir fjölskyldufólk.  Myndir síðar.

Komum svo heim á Sandinn og það var afar indælt líka.  Sól og blíða úti sem inni.  Höfum notið þess að liggja í leti 2 daga áður en vinnan hefst aftur, á morgunn.

Mín bíða næg verkefni og eitt verður að ýta síðunni aftur almennilega í gang.

Heyrumst þá!

Athugasemdir

[Hulda Margrét Traustadóttir, 7.8.2007 kl. 22:58]

Velkomin heim Maggi minn og fjöslskylda, gott að fríið var gott á Spáni. Hulda er að koma heim með dæturnar á morgun eftir viku frí á Spáni með vinkonum sínum og börnum þeirra en á meðan brá Tommi sér til Grænlands á kæjak og eitthvað fl......Allt gott héðan kalt um helgina en komin blíða aftur og Eyjafjörðurinn ægifagur í kvöld, allir regnbogans litir að verma himininn.

Annars bara, takk fyrir síðast á Snæfellsenesinu góða og takk fyrir okkur.

kv. Magga "móða" José og Dalí, Sem komu ferðalúin á nesið eftir rokið á Barðaströndinni eftir annars frábæra ferð um ægifagra Vestfirði !!!Já ef eitthvað er meira fallegt á Íslandi en annað - þá skoðið Vestfirðina !!! Þeir rokka.............

[Örn Arnarson, 9.8.2007 kl. 22:47]

Gaman að vita að þið eruð komin heil á höldnu. Mætiði í bústaðinn aðra helgi?

[Vilborg Traustadóttir, 9.8.2007 kl. 22:58]

Velkomin heim....