Þetta mál er ekki búið.....

Vilhjálmur Vilhjálmsson og Ólafur F. Magnússon.

Eru þeir framtíð Reykjavíkur????

Á blaðamannafundinum í dag kom augljóslega í ljós að Ólafur mun ALDREI verða trúverðugur borgarstjóri og hreint grín að sjá Vilhjálm grípa fram í fyrir Ólafi til að segja "Ólafur er allavega jafn heilbrigður og ég var þegar ég tók við" og segja svo stuttu seinna, "ég veit ég gerði mistök".

Í Kastljósi hrósaði svo Ólafur fráfarandi borgarstjóra, sem væri frábær stjórnandi!!!!

Ef Geir H. Haarde grípur nú ekki inní og stjórnar sínum flokki hefur hann allavega sett niður í mínum augum.  Í kvöld varð til nýr R-listi, þeir sem glöddust mest voru fjórmenningarnir í Tjarnarkvartettinum sem vita sem er að þessi ákvörðun Vilhjálms er pólitískt harakírí. 

Mest vorkenni ég því hugsjónafólki í Sjálfstæðisflokknum sem stóðu að baki tveggja pólitískra tapara á Kjarvalsstöðum í kvöld og mun á næstu vikum samþykkja stóraukna félagslega aðstoð, frítt í strætó, flugvöll í Vatnsmýri og allt annað sem Frjálslyndi flokkurinn setti fram fyrir síðustu kosningar.  Til þess eins að pólitískt úreltir einstaklingar eins og Vilhjálmur, Ólafur, Björn Bjarnason og fleiri slíkir fái að vera áhrifalausir borgarstjórar í 26 mánuði.  Gísli Marteinn og Hanna Birna þurfa nú að svara fyrir ónýtan meirihluta stjórnuðum af mönnum sem eiga traust innan við 25% borgarbúa.

Á meðan munu gömlu R-listaflokkarnir tengjast saman aftur, jafnvel með afdrifaríkum afleiðingum varðandi landstjórnina.  Ingibjörg Sólrún mun nú eiga ákaflega auðvelt með að hitta Steingrím og Guðna á þinginu og slíta stjórnarsamstarfinu.  Dagur B. Eggertsson varð í dag allt í einu pólitíkus, sem hann þurfti aðstoð við.  Þá aðstoð fékk hann úr óvæntri átt og örugglega einsdæmi í heiminum að fá eftirmæli eins og þau sem Ólafur veitti honum í kvöld!!!

En ég er ekki viss um að þetta verði fyrr en Geir hefur tjáð sig.  Atburðarásin í Reykjavík er óhugsandi á tímum Davíðs!!!  Vilhjálmur hefur greinilega misskilið stuðning Geirs við sig á sínum tíma og fer nú af stað með eigin hagsmuni í brjósti, segir já við öllu sem Ólafur segir, til þess eins að verða borgarstjóri.

Sennilega verður þeirra tveggja minnst sem lélegustu borgarstjóra í sögu Reykjavíkur!!!!

Forustumenn stjórnarflokka tjá sig ekki

Athugasemdir

[Ævar Austfjörð, 21.1.2008 kl. 23:23]

Vaknaðu  maður!!!!

eru þetta ekki bara draumar hjá þér með vinstri slagsíðu  

[Magnús Þór Jónsson, 21.1.2008 kl. 23:45]

Nei, Ævar.

Alls ekki!  Til lengri tíma litið eru þetta mistök.  Bara það eitt að nú er til nýr R-listi er vont fyrir Reykvíkinga.

Fínt að vera bara í Snæfellsbæ þessa dagana!

[Ævar Austfjörð, 21.1.2008 kl. 23:58]

ég held að R-listinn sé ekki kominn aftur, það er enginn foringi sem segir "ef ég fæ ekki að ráða þá verð ég ekki með" eins og Imba sagð iþað vantar...reyndar í sjallana líka en Ólafur er að slá um sig með þessum orðum, þannig verða foringjar að vera.

það má líka líta á þetta þannig að Ólafur  sé kominn heim og sjálfstæðisflokkurinn orðinn stór aftur

og já mér finnst nú minn kokteill skárri