Verður sumarið svona gott?

Hvað haldið þið um það?

Maímánuður og það sem gengið er af júní líta virkilega huggulega út.  Logn og blíða út í eitt og kvöldin hvert öðru flottara.  Vonandi toppar þetta sumar bara það síðasta.

Þið sjáið að ég hef skellt inn nýrri könnun, Eurovision í pásu til næsta árs og nú snýr það að sumarleyfinu.

Ég fer í frí upp úr 20.júní.  Það eina sem hefur verið fastsett er vikudvöl á Akureyri með konunni og stelpunum mínum, frá 3. - 10.júlí.  Ég ætla þar m.a. að spila Eldri Drengja (Old Boys) leiki með Knattspyrnufélagi Siglufjarðar á Pollamóti Þórs.  Gerði það fyrir tveimur árum og naut þess í botn, var ansi glaður að heyra að enn fleiri sem ég þekki verða með þetta árið.  Bara gaman!

Vonandi nær maður að heimsækja ættinga og sem flesta vini á þessum tíma, en að öðru leyti höfum við ekki ákveðið neitt.  Erfitt að plana mikið með lítið barn, við erum þó ákveðin að fara út í Flatey í sumar og hugsanlega renna sunnanverðan Vestfjarðakjálkann.

En þið hin, hvert skal haldið????

Athugasemdir

[ir-ingur (IP-tala skráð) 6.6.2008 kl. 18:33]

er ekkert að frétta af þér

og hvernar á að kíkja á Í.R-völlinn

[Hulda Margrét Traustadóttir, 8.6.2008 kl. 15:27]

Maggi ...við verðum að skipuleggja grill hér hjá okkur þegar þið komið norður...gefið okkur dag sem þið verðið laus og við finnum okkur tíma Förum til eyja i næstu viku í fyrsta skipti í lífinu - hlakka ekki smá til - vona að Drífa verði heima svo við getum litið á hana Stella og Raggi verða með í för með drengina og við verðum öll hjá ömmu Fríðu. Gaman