Argandi gæði!

Maður bara getur ekki annað en hrifist með þessu rússneska liði.

Litu ekki illa út í fyrsta leiknum og fóru svo hægt og rólega í gegnum Grikkina.  Þegar snillingurinn Arshavin var svo mættur úr banni afþýddu þeir kalda Svía og í kvöld voru hollenskir tréklossar tálgaðir í hatta til að skreyta babúskur!

Agi, skipulag og leiftrandi sóknarleikur, leikmenn sem vinna sem heild og kyssa og knúsa, búninginn sinn og hver annan.  Svo miðað við aldur er þetta lið sem á enn nokkur ár eftir í að toppa sig!

Að baki er galdramaðurinn Guus Hiddink sem kannski nær með þessu liði í titil og tekur þá kórónuna sem besti landsliðsþjálfari sögunnar - allavega að mínu mati.

Á morgun vona ég að skemmtunin haldi áfram á þessu ótrúlega knattspyrnumóti!

Rússar í undanúrslit eftir sigur á Hollandi

Athugasemdir

[Hulda Margrét Traustadóttir, 22.6.2008 kl. 12:54]

Já Maggi þetta er skemmtilegt. Varð auðvitað ansi mikil spæling hér þegar Port. tapaði fyrir Þ.landi en ....svona er þetta bara....

Láttu mig vita þegar þið komið við verðum að finna okkur kvöld fyrir grill eða sameiginlegum málsverði hér í Vestursíðunni - endilega láttu okkur vita hvað hentar ykkur. Er með brilljant uppskrift að kjúlla t.d.

[Vilborg Traustadóttir, 22.6.2008 kl. 13:05]

Já og ég sem hélt með Hollendingum gat ekki annað en verið sátt með Rússana enda frábært lið.

Tyrkirnir gætu líka gert usla ennþá. Það er eins og þeim séu allir vegir færir!!