Að vona það besta!

Eins og ágætir stjórnarmenn í Kaupþingi hefur viðskiptaráðherrann ákveðið að velja ákveðna hagsmuni fram yfir aðra eftir þennan fund.

Þarna var greinilega betra fyrir hann og hans samstarfsfólk að tala almennt og loðið um fund sem hefur örugglega skilið eftir sig miklar, mjög miklar, efasemdir meðal Breta um möguleika Íslands til að taka á þessum mikla bankavanda.

En ég vill fá að vita hvað Björgvin og hans fólk gerðu í kjölfar þessa fundar!

Þarna allavega sá starfsmaður hans að best væri að selja sín hlutabréf (held að sá sé enn í starfi þrátt fyrir þá ósiðlegu ákvörðun) og því væntanlega ljóst að lítill væri líftími bankans.  Það að ráðherranum datt ekki einu sinni í hug að taka saman minnisblað um þennan fund sinn er í besta falli kjánalegt!

Annað hvort gerði hann sér alls ekki grein fyrir alvöru málsins, eða gerði gríðarleg mistök að telja best að þegja, bíða og sjá!

Hvort sem var held ég að ljóst sé að þarna voru gerð alvarleg mistök og í allri uppskeru þessa máls hlýtur að þurfa að spyrja alvarlegra spurninga um framgang viðskiptaráðherrans undanfarna mánuði! 

Hann og Árni Mathiesen finnst mér þurfa að svara flestu.......

Leiðrétting:

Hárrétt athugað hér í athugasemdum við færsluna, starfsmaðurinn sem ég vitna hér í er ekki starfsmaður viðskiptaráðherra, heldur er hann Baldur sannanlega starfsmaður í fjármálaráðuneytinu.  Takk fyrir leiðréttinguna!

Icesave meginefni fundar ráðherra

Athugasemdir

[Sigurður M Grétarsson, 24.11.2008 kl. 17:02]

Baldur Guðlausson, sem seldi hlutabréfin sín í Landsbankanum eftir fundinn, er ráðuneytisstjóri í Fjármálaráðuneytinu og því ekki starfsmaður viðskiptaráðherra.

[Vilborg Traustadóttir, 24.11.2008 kl. 17:10]

Þeir eiga allir að segja af sér! Umsvifalaust.

[Agla (IP-tala skráð) 24.11.2008 kl. 20:19]

Mér finnst vægt orðað að það hafi verið (í besta falli) kjánalegt  af viðskiptaráðherranum að krota ekki eitthvað á minnisblað eftir fundinn.

 Mér finnst það líka mjög kurteisislega orðað að ráðherrann hafi talað "almennt og loðið" um þennan fund. Mér finnst líka athyglisvert að í tilkynningunni frá ráðuneytinu eftir fundinn skuli ekki hafa verið minnst á Icesave.

Mér finnst það hreint ótrúlegt að það skuli hafa tekið nærri þrjá mánuði að fá þessi takmörkuðu  svör um hvað raunverulega gerðist á þessum fræga fundi en kannski fylgja fleiri spurningar og svör í kjölfarið.

[Hulda Margrét Traustadóttir, 25.11.2008 kl. 21:25]

Hvað eigum við að segja þetta oft, þjóðin ! Nýtt blóð á alla þá staði sem klikkuðu !

Maggi, kíktu á síðuna mína og mig langar að spyrja þig hvað þú heldur um það sem "Magga móða" er að bralla núna ??? Verður maður ekki bara að reyna að bjarga sér sjálfur, það var manni kennt í gamla daga