Erum við að verða vitni að hruni heimsveldis???

Nú kemur upp í manni mannkynssögukennarinn!

Rómaveldi náði yfir aldir, líka breska krúnan.  Belgar voru eitt sinn nýlenduþjóð og Portúgalir ríkasta þjóð heims.  Frá því upp úr 1900 hafa Bandaríki Norður Ameríku verið heimsveldið, lengi í baráttu við Sovétríkin en síðustu 18 ár ríkt nokkurn veginn sem eina stórveldið, með ítök alls staðar í heiminum.  Rekið stífa heimsveldisstefnu og skipt sér af öllu, neitað að fylgja samþykktum alþjóðasamfélagsins og komið fram eins og heimsveldi gera.

Með hreinu ofbeldi.

En nú riðar veldið til falls.  Þrátt fyrir endalausa innspýtingu ríkisfjármagns dugar lítið til og stöðugt fleiri gjaldþrot vofa nú yfir.  Þessi sannleikur mun hafa áhrif á allan hinn vestræna heim sem þarf nú að herða sínar ólar um mittið verulega.  Ekki ólíklegt að valdajafnvægið sé farið að færast í austurátt.

Ekkert heimsveldi mannkynssögunnar hefur hingað til verið eilíft og B.N.A. verða það ekki.  Á næstu mánuðum kemur í ljós hvort tími þess veldis er að líða......

Bandarísk hlutabréf lækka

Athugasemdir

[Fannar frá Rifi, 23.2.2009 kl. 23:44]

Kína hefur alltaf verið stórveldi. Þeir hafa bara verið í lægð undan farin 200 til 300 ár.

Efnahagskreppa ein og sér nægir ekki til þess að steypa heimsveldi af stóli. Franska og Breska heimsveldið lifði vel af kreppuna miklu ásamt því að vera klifjað skuldum vegna fyrri heimstyrjaldarinnar. þau lifðu bara ekki af að fá aðra heimstyrjöld ofan á allt saman. 

Hernaðar máttur og vopnaframleiðslugeta Bandaríkjanna er sú mesta í heiminum. þeir hafa mestu tæknina og bestu tækinn. þeir geta kallað til milljónir manna og sett undir vopn ef á reyndi. 

Bandaríkinn hafa ekki verið rekinn sem heimsveldi nema að hálfu leiti undanfarið. menn hafa farið inn og breytt einhverju en svo farið út aftur og vonað að þeir sem settir voru á valdastóla myndu haga sér vel.  undanfarið hefur það ekki einu sinni verið nema með hangandi hönd. 

Bandaríkinn gætu á mjög einfaldann hátt unnið sig úr kreppu. það ber þó að taka fram að slíkt þyrfti algjöra viðhorfsbreytingu þjóðarinnar. þetta er allt fræðilegar vangaveltur.

Bandaríkinn gæti sett t.d. 3 milljónir undir vopn. tekið yfir Kanada, Mexíkó og t.d. Venúsúela. Slíkt myndi minnka atvinnuleysi, kalla á gríðarlega fjárfestingar og vöxt til þess að innlima eða búa sjálfstjórnarsvæði innan Bandaríkjanna í þessum sigruðu ríkjum. auk þess myndi USA verða nær óháð innfluttningi á nauðsynjavörum frá öðrum ríkjum. 

sett þetta bara fram svona til gamans þar sem ekki er hægt að afskrifa USA fyrr en ríkið fer sömuleið og Breska heimsveldið. liðast í sundur. fyrr er ekki hægt að halda því fram að heimsveldistíma USA sé lokið. 

[Ólafur Þórðarson, 23.2.2009 kl. 23:44]

Þú ert náttúrulega ekki fyrstur til að spá fyrir um þetta og líklegast eru næstu mánuðir ekki tíminn þegar þetta kemur í ljós heldur næstu ár og áratugir. Yfirleitt er það svo að þeir sem spá fyrir um framtíðina hafa ekki rétt fyrir sér, en maður veit náttúrulega aldrei. Við skulum vona að spá þín rætist ekki, því með Bandaríska heimsveldinu mun koma mikil kreppa og óöld.

[Fannar frá Rifi, 24.2.2009 kl. 01:13]

Þegar síðasta heimsveldi féll sem ekki hafði beinan  arftaka, þá fór heimurinn inn í langt tímabil afturfara. oft kallaðar hinar myrku miðaldir.

[Magnús Þór Jónsson, 24.2.2009 kl. 11:40]

Takk fyrir flott komment báðir.

Sammála því að Kína hefur alltaf verið heimsveldi og verður held ég það næsta á ný.  Hins vegar eru Bandaríkin ennþá með leppstjórnir víða og það er eingöngu af fjárhagsástæðum að þeir hafa dregið úr völdum sínum tel ég.

Áður hefðu þeir t.d. gengið harðar fram gegn Ísrael, en þeir leggja ekki í að missa viðskiptin við þá.  Á sama hátt hefðu þeir án vafa skipt sér meira af S.Ameríku ef að herinn og fjármagnið væri ekki fast í Austurlöndum.

Ég held samt Fannar að USA sé háðari umheiminum en við mörg höldum.  Það er gríðarlega mikil fátækt í landinu, en við fáum bara fréttirnar af öðru.  Sum svæði landsins eru svo afskipt að þar eru að heyrast raddir um aukin völd til Fylkisstjórna á kostnað Alríkisvaldsins og ég held að það sé ekki langt í það að slík umræða nái yfirborðinu.

En ég er sammála ykkur báðum með það hrun þessa veldis mun kalla á óöld, sem verður verst í vestrænum ríkjum en minnst austan til í heiminum þar sem ný, sterk hagkerfi munu ríkja.

Miðað við fréttir víðs vegar úr Evrópu er ljóst að það er ekki langt í stórar fréttir um byltingar, sem ég held að muni ekki verða jafn siðmenntaðar og búsáhaldabyltingin......