Geirabakarí

Fór á skólastjórafund á Skaganum í morgun, bara mjög góðann takk fyrir.

Á bakarleiðinni kom ég við í besta bakaríi landsins, sem borgneski Siglfirðingurinn Sigurgeir, eða Geiri Ella Gústa rekur þar við hliðina á Bónus.

Þeir sem þekkja mig vita að ég er "harðkringlusjúklingur" og ég kem alltaf við hjá Geira að kaupa kringlurnar hans, sem fara næst Krútt-kringlunum frá Blönduósi sem ég sakna gífurlega.

Í dag var verið að koma með nýbakaða ástarpunga og ég skellti mér á einn með "coffee to go".   Borðaði hann eins hægt og ég gat!

Er orðinn eins og í myndaflokknum, verð alltaf svangur þegar ég kem í Borgarnes!

Athugasemdir

[Grefillinn Sjálfur - Koma svo! (IP-tala skráð) 25.9.2009 kl. 16:20]

Sammála þér með gæðin í þessu bakaríi - og þar er líka afar góð aðstaða til að gæða sér á krásunum. Skil eiginlega ekki hvernig hægt er að halda úti svona flottum stað þarna ... jæja, líklega hefur það verið erfitt fyrst en eftir að sífellt fleiri leggja þangað leið sína verður róðurinn léttari.