Eurovision eftir 29 daga!

Hrollurinn kominn!!!

Er algert Eurovision-frík.  Hef mikið gaman af keppni og manni var kennt það ungum að Eurovisionkvöld eru gleðigjafi þar sem fjölskyldan kemur saman yfir músík, sem þarf reyndar ekkert að seljast í billjónum eintaka, heldur bara að vera skemmtilegt, skrýtið eða lélegt.

Þá er hægt að rífast góðlátlega, klappa ef maður hefur rétt fyrir sér og vera glaður eða fúll yfir sigurvegaranum sem stendur í silfurbrotunum sem rignir á hann/hana þar sem verið er að fara að flytja sigurlagið upp á nýtt.

Hoollurinn kom í kvöld þegar kynningarþáttur sænska sjónvarpsins um Eurovisionlögin fór í gang.  Eiríkur náttúrulega langflottastur, en ég var líka sáttur við lögin frá Moldavíu og Búlgaríu.  Kýpurskutlan flott, en annað dapurt.

Rosa gaman framundan, hápunkturinn 12.maí, vonandi verður rauðhærði, rámi rokkarinn á lokasviðinu!!!!

Eiríkur fékk næstum fullt hús stiga

Athugasemdir

[Jenný Anna Baldursdóttir, 14.4.2007 kl. 11:34]

Ég verð að segja að Júróvisjón er ekki svo mikið minn tebolli en ég fylgist með út af okkur og hinum norðurlöndunum.  Svo spái ég í fötin hehe.  Núna finnst mér lagið okkar dáldið töff.  Eikinn er dúndur og spjallþátturinn sænski er alltaf skemmtilegur.  Takk fyrir pistilinn er byrjuð að telja niður.  Er hins vegar óhress með þessa ósvífni finnanna að hafa kvöldið á kosningadeginum okkar