Göngum yfir brúna!

Sungu Mannakorn á sínum tíma þegar álverið í Straumsvík var reist.

Hlægilegt ef ætlunin er að hlaða enn einu stórfyrirtækinu á Suðurland.  Hreint og klárt bull.  Þar er næg atvinna og framkvæmdir sem eru að viðhalda og auka þensluna á okkur öllum.

Ef menn vilja halda áfram að framleiða áldósir undir niðursoðna ávexti og drykkjarílát í Bandaríkjunum er lágmarkið að reyna að auka atvinnu á þeim svæðum sem þarfnast hennar.

Stjórnvöld hljóta að sjá það að það verður að dreifa atvinnutækifærunum um landið okkar, mið-Austurland lifir góðu lífi út af álverinu í Reyðarfirði og ef á að reisa stóriðju hlýtur Norðurland að verða staðurinn, því Vestfirðir eiga litla möguleika þar.  Vogar á Vatnsleysuströnd eru ekki á fallandi fæti og þurfa ekki aukin atvinnutækifæri, alla vega ekki í bili.

Svo hef ég áður lýst áhyggjum af nýja refabúskapnum, álverum sem allir vilja reisa.  Ef hrun verður á þeim markaði, erum við með of stór fótboltahús víða um land!

Skil ekki hræðslu Hafnfirðinga, þó ég viti að álverið hafi verið að standa sig afar vel í langan tíma á hafnfirskum vinnumarkaði.  Hafnarfjörður þarf ekkert að örvænta þó álverið hverfi.  Bara að heimta að Alcan rífi allt það sem þeir eiga þarna, reisa bryggju, skipuleggja lítið iðnaðarhverfi og selja svo grilljón lóðir á besta stað.

EN, þensluna á höfuðborgarsvæðinu verður að slá á!!!!!

Borgarafundur í Vogum veitir bæjarstjórn umboð til viðræðna við Alcan

Athugasemdir

[Stella frænka (IP-tala skráð) 21.6.2007 kl. 09:22]

Sammála, norðurlandið er það sem þarf að rífa upp og eru ekki Húsvíkingar búnir að bíða eftir álveri í einhvern tíma??

Þvílík (jákvæð) áhrif sem þetta getur haft eins og á æskuslóðunum á Reyðarfirði. Þegar ég var krakki voru allir að ræða um álver og draumórarnir um álverið sem koma átti voru óraunverulegir og í fjarska. En sem betur fer fyrir austurlandið varð þessi "draumur" að veruleika. Gott mál það.

Ekki meira á suðurlandið..!! Í bili..