Á eftir helgi kemur vika!

Vel heppnuð helgi.

Í það fyrsta var hörkustuð í bakstrinum og ca. 200 kíló lágu!  Gott það.

Laugardagurinn breyttist á föstudagskvöld þegar KSÍ vélaði mig til að verða eftirlitsdómara á fótboltaleik Víkinga og ég náði því bara einum réttum.  Á Breiðinni.  Fórum, ég, Hekla og Birta þar sem Thelma fékk að gista hjá vinkonu, veit Vilborg, hefði kannski átt að vera grimmari.  Fullt var af fólki, sennilega meira af kindum en við gátum dregið með bændunum og svoleiðis allt.

Leikurinn kom þá, hressilegur 0-0 leikur sem tryggði áframhaldandi veru Víkinga í 1.deild.  Þá á að komast hærra sjáið til!

Laugardagskvöldið var "reunion" Spánarfara.  Hittumst heima hjá Lilju og Eiríki með spænskt þema í matargerð og vínum.  Virkilega gaman, sátum fram yfir miðnætti en svo vel vill til að konan er í tímabundnu leyfi frá áfengi og við gátum því keyrt heim þegar við vorum orðin þreytt.  Ofsalega gaman að sitja og spjalla og maturinn afbragð.  Sérstaklega vill ég hrósa saltfiskkæfunni hans Mímis.  Nammmmmm.

Á sunnudagsmorgunn héldum við Sigríður Birta í "kastalann okkar" eins og hún kallar Ingjaldshólskirkju.  Hún var ansi lífleg í byrjun, stormaði til altaris að syngja með krökkunum þegar sr. Ragnheiður kallaði og að því loknu fór hún í sunnudagaskólann.  Sat eins og dúkka í 40 mínútur!  Segið svo að kraftaverkin séu ekki til!  Var afar glöð með sig þegar hún fór og söng fyrir Heklu það sem hún lærði, nefnilega lagið "Djúp og breið".  Eitthvað skolaðist aðeins til textinn því Birtan mín söng hástöfum "Súp'og brauð".  Neitaði að breyta.  Sennilega kominn í dæmisögurnar um fiska sem fjölfaldast og bruggun víns úr vatni.  Held það allavega.

Stelpurnar fóru svo aftur suður á mánudagsmorguninn og vinnuvikan hófst.  Nóg að gera, nú ætlum við að fara að detta í gang með söngleikinn og skólastjórinn þarf að fara að demba sér í starfsmannasamtöl og klára tölvumálin.  Vonandi er orðið verulega stutt í að allt verði tilbúið í byrggingarmálum og það detti í rétt far.

Gaman, gaman.

Athugasemdir

[Magga (IP-tala skráð) 26.9.2007 kl. 14:21]

HÆ. Sýnist vera nóg að gera hjá ykkur á alla kanta. Gaman að þessu með sönginn hennar Sigríðar Birtu, bjargar sér. Annars var hálfgert ættarmót hjá mér um helgina þar sem Vilborg, Mángi, Dagga og Guðrún (hans Krissa) komu á námskeið hjá Erni Inga, Krissi kom líka og lillarnir en hann sá um þá - feikna stuð málað frá því kl.8 á föstudagskv. til kl.17 á sunnudag...laugardagskv. var frí á laug.d.kv. og tækifærið notað og við borðuðum öll saman pottrétt A la José um kvöldið.

BARA GAMAN !! Knús á nesið . Magga