Geirharður

Fattaði fólk almennt orðaleikinn?

Heyrið mig nú bara, haldiði ekki bara að ljúfmennið Geir Þorsteinsson láti heyra í sér!

Gott mál.  Geir er yfirmaður stærstu íþróttagreinar landsins og virðist gera sér grein fyrir því að við erum með blæðandi hjartasár, knattspyrnuáhugamenn.  Ég hef fengið símtöl víðs vegar frá, mest frá handboltavinum mínum og nokkurra útlendinga sem gera talsvert grín að íslenskum fótbolta.  Norður Írskir vinir mínir skilja ekki eineltið sem þeir hafa orðið fyrir í leikjunum við okkur Íslendinga!

Vill aldrei verða sá sem vísa allri ábyrgð á þjálfarann.  Hins vegar virðist vera allsherjar aga- og skipulagsleysi í gangi þessa dagana og það er jú eitthvað sem hann þarf að svara fyrir.  En nýr þjálfari dugar ekki nema hann sópi burt þeim leikmönnum sem ekki hafa tíma til að leggja sig fram fyrir íslenska landsliðið.

Leikmenn sem spila með landsliðinu verða að bera merkið með stolti og komast þarf að því hvort tugir kjaftasaga um partýstand eftir og jafnvel milli landsleikja eru réttar.  Ef svo er þarf að taka fast á því máli án tafar! 

Geir er undir feldi, auk Þóris og Birkis vina minna.  Eins gott að sá feldur sé stór, því þeir Þórir og Birkir eru jú fullorðnir menn.

Gaman að sjá hver útkoman verður, en sannleikurinn er sá að 8 stig í þessari keppni er bara skömm!

„Þjálfarinn ábyrgur"

Athugasemdir

[Björn Jónasson (IP-tala skráð) 19.10.2007 kl. 09:51]

Þeir sem réðu óreyndan þjálfara og gerðu honum engan greiða eru EKKI hæfir til að meta endurráðningu, eða val á nýjum þjálfara.   Jónas sá að sér, stjórn og framkvæmdastjórn á ber jafna ábyrgð.  Þessi sama stjórn hefur valið að selja sýningaréttin í læstri dagskrá.  Ef ég má velja, Eyjólf eða Geir og félaga næsta árið, þá vel ég Eyjólf. 

[Eygló Þóra Harðardóttir, 19.10.2007 kl. 10:00]

Ég held að þetta snúist prímadonnur.  Gæti t.d. Eyjólfur fengið fyrir Geir og co. að setja Eið Smára á bekkinn? 

Liðið hafði t.d. ekki spilað jafn vel saman og þegar Eiður Smári var ófær um að spila. Allt í einu voru menn að birtast og skora sem fólk eins og ég (takmarkaður áhugi á íþróttinni) vissi ekki einu sinni að væru til.  Það var verið að spila saman og áhuginn skein úr andlit leikmannanna. Allt í einu snérist ekki leikaðferðin um að koma boltanum á Eið Smára heldur að spila saman. 

Ég held að það séu fleiri menn þarna inn á milli sem mættu líka missa sín og áherslan verði á liðið, ekki einstaklingana!!

kv. Eygló