Því miður örugglega bara byrjunin.....

Held að þessi frétt komi nú fáum á óvart.

BAUHAUS ekki líklegir til Íslands í bili.  Auðvitað er gengið ein ástæðan, en hin sú að ljóst er að svakalegur samdráttur verður í verslun með bygginga- og heimilisvörur eins og þær sem þeir hugðust selja.

Það sem mér finnst einna verst að nú stendur orðið þvílíkt af húsnæði autt að erfitt er að sjá hvað um það allt á að verða.  Næstu ár verða ár samdráttar og því ljóst að nú þegar eru til miklu fleiri íbúðir en þörf verður fyrir um sinn.

Hvað þá verslunarhúsnæði!

Einn af mörgum, mörgum hausverkjum okkar verður að reyna að fylla upp í þær íbúðir, hús og verslanir sem nú standa auð eða eru í byggingu.  Öll framtíðarpæling um nýtt húsnæði er örugglega úr sögunni.

Því held ég að við sjáum Bauhaus ekki hér næstu 5 árin og ég held líka að verslunum með byggingar- eða heimilisvörur fækki umtalsvert!

Flestum starfsmönnum Bauhaus sagt upp

Athugasemdir

[Villi Asgeirsson, 22.10.2008 kl. 08:44]

Og húsnæðisverð lækkar sjálfsagt töluvert.

[Hulda Margrét Traustadóttir, 23.10.2008 kl. 18:21]

Elsku frændi minn.

Úrvinda bankastarfsmaðurinn stendur uppi atvinnulaus. Eftir mæðgnaferðina góðu, nýkomin heim var mér tilkynnnt að ég fengi ekki ráðningu hjá nýja Landsbankanum- auðvitað grét og blés út....En eftir 26. ára starf en ég er baráttukona Maggi - ég gefst ekki svo auðveldlega upp !

Burt með þessa ömurlegu ríkisstjórn og peningana heim sem teknir voru frá okkur - öllum !

[Villi Asgeirsson, 24.10.2008 kl. 08:47]

Hulda, endilega segðu þína sögu á www.nyjaisland.is ...