Hver verður Kolbeinn Kafteinn????

Nei nú er farið að róta við tilfinningum manns.  Er ánægður með Fransmennina sem hafa leikið Ástrík og Steinrík.  Við Evrópumenn þekkjum þessar sögur í gegnum áratugina og því treystandi betur en vinum okkar Vestanhafs.

Átti allar Tinnabækurnar og því finnst mér öllu máli skipta að menn finni sér alvöru menn í hlutverkin.

Ég vill að Leonardo di Caprio verði Tinni, lítill, ekki sterklegur, ljós á hörund með hártoppinn.

Johnny Depp VERÐUR að leika hlutverk Vandráðs prófessors takk!!!

Tvíburarnir Skapti og Skafti myndi ég telja að einn og sami maður þurfi að leika, ég hef velt þessu vandlega fyrir mér og myndi vilja fá Russell Crowe í dæmið, þykkur og kúlulaga í andlitinu eins og þeir.

En ég er í vandræðum með Kolbein, algerlega lykilmanninn í því að slíkar myndir virki.  Eins og Depardieu er stórkostlegur Steinríkur þarf að finna hrjúfan jaxl, sem getur leikið þann blíða öðling OG kolóða sjóara sem er sögunum um Tinna svo hrikalega mikilvægur!!!

 Hvað segið þið lesendur góðir?  Hvernig líst ykkur á það sem hingað til er komið af "casting" hjá mér, og mikilvægara, HVER Á AÐ LEIKA KOLBEIN????

Spielberg gerir myndir um Tinna

Athugasemdir

[Fanney Dóra Sigurjónsdóttir, 16.5.2007 kl. 19:08]

Antonio Banderas? Sean Connery?

[Þorvaldur (IP-tala skráð) 16.5.2007 kl. 19:25]

Baltasar Kormákur er góður með alskeggið ;) Eða Guðjón Arnar nokrum kílóum léttari ;)

[Jóhann (IP-tala skráð) 16.5.2007 kl. 19:45]

Ég er vissulega sammála að það þurfi að vanda valið á Kolbeini þá sérstaklega finnst mér enda mjög sérstakur og skemmtilegur karakter. Ég er hundrað sammála með Tinna. Vandráður og Johnny Depp, veit nú ekki, einhvern veginn finnst mér hann betri sem Kolbeinn þegar ég pæli i þvi. Ég vil að Vandráður verði klikkaði kallinn úr back to the future myndunum, er hann ekki enn á lífi? ;) Skapti og Skafti er mjög erfitt val, get ekki sagt hvern eg myndi velja. Ekki samt Crowe, Chris Kattan(úr Night at the roxbury) yrði mjög öflugur i það hlutverk

[Vilborg Traustadóttir, 16.5.2007 kl. 20:47]

Helgi Seljan (yngri) væri Tinni Íslendinga. Arnold Svartsenegger Kolbeinn??? Eða vinur þeirra í Húsinu á Sléttunni.

[Þóra Gunnarsdóttir (IP-tala skráð) 16.5.2007 kl. 21:15]

Gerard Butler úr mydinni 300 er gaurinn!!! Kolsvart skegg og hár vígalegur en aldeilis mjúkur inn við beinið...ekki spurning

[Hákon (IP-tala skráð) 16.5.2007 kl. 21:57]

Sá reyndar fyrir mér að Brendan Gleeson kæmi til greina sem Kolbeinn, getur leikið nánast allt maðurinn.  Er samt sammála Þóru að Butlerinn væri eflaust fantafínn kafteinn :) 

Get ekki séð fyrir mér Depp sem vandráð, allavega ekki sökum aldurs, þó hann sé furðufugl fínn, en á móti kemur að hann myndi endast margar myndirnar frekar en einhver mun eldri;)  Hann gæti meira að segja verið með í endurgerðirnar sem við fáum væntanlega um og eftir 2020 :)  

[ggs, 16.5.2007 kl. 22:27]

Ég myndi vilja sjá Jude Law sem Tinna , er sammála með Depp , Kevin Spacey sem Skapta og Skafta en sem Kolbein Kaptein er ég ekki alveg viss. Kannski Huge Laurie úr House ?  Það þyrfti að vísu að lita hárið á kappanum