Elja og grimmd

Það eina sem dugar í svona aðstæðum og virðist vera í töluverðu magni þarna fyrir austan.

Hlýtur að vera ferlega svekkjandi að sjá heilsdagsvinnu hverfa á nokkrum klukkustundum, þetta hlýtur að fara að vera komið gott hjá þessu annars ágæta eldfjalli.

Það er alveg á hreinu að það þarf að styðja verulega við bak fólksins í gegnum þessar þrengingar allar, álagið sem á því dynur er allt að því ómennskt!

Allt orðið svart aftur

Vönduð og ákveðin ummæli

Gylfi Magnússon hefur staðið sig frábærlega í starfi, m.a. með sterkum ítökum í lagagerð sem heimilaði kyrrsetningu eigna og út úr ráðuneyti hans berast fréttir af vönduðu starfi við smíð á nýrri lagagerð um viðskiptalífið.

Þar sem lokað verður á möguleika á endurtekningu þeirra fordæmalausu atburða sem urðu á Íslandi í tíð fyrri valdhafa og byggð umgjörð um eðlilegt viðskiptalíf, sem er það sem mun bjarga okkar samfélagi að lokum.

Gylfi og Ragna eru ópólitískir ráðherrar með mikið vit á sínum málaflokkum.  Ummæli þau sem falla í fréttinni sýna líka að þar fer maður sem er óhræddur við að lýsa sinni skoðun og ber trausti á brjóst þeirra sem nú eru að endurreisa bankakerfið.

Þau tvö sýna mikilvægi þess að stjórnmálamenn hugsi út fyrir rammann og ráði hæfasta fólkið til að stýra ráðuneytum.  Tími var til þess kominn.

Og það myndi lýsa fullkomnu tengslaleysi stjórnenda ríkisstjórnarinnar að skipta þeim tveim út.  Slíkt mundi einfaldlega sanna að stjórnmálin hefðu ekkert lært á hruninu eða tekið mark á þjóðinni sinni.

Gylfi treystir íslenskum bankamönnum

Endurskoðendafyrirtækin

Augljóst finnst mér að endurskoðendur hafa eitthvað vitað.

Ég hef látið endurskoðanda sjá um mitt skattframtal annað slagið í gegnum ævina, mest þegar ég var að þjálfa.  Þeir vissu meira um mín fjármál þá en ég.

Mér finnst því augljóst að endurskoðandi vissi af málum, en ég veit ekki hvernig ábyrgðir þeir bera á þeim gjörningum sem þeir sjá vera framkvæmda.

Það er orrahríð í gangi þessa dagana og ljóst að landslag íslensks fjármálaheims er gjörbreytt og hver hamarinn af öðrum hrynur.

Telja vanrækslu PwC kosta 130 milljarða

Fréttir síðustu daga

Svei mér þá, síðustu 19 mánuðir Íslandssögunnar eru einhvern veginn þannig gerðir að maður er alltaf að verða meira á því að maður sé að upplifa heimssögulega tíma.  Og það í efnahags- og viðskiptabrotum.

Land sem var eitt það fátækasta í Evrópu fyrir 70 árum er nú að eiga við mál sem sennilega eru að verða stór í heimssögunni. 

Sigurður Einarsson eftirlýstur af Interpol!  Fjórir bankamenn í gæsluvarðhaldi og þ.á.m. fyrir brot sem þeir eiga að hafa framið eftir að hafa fengið þrautavaralán.

Ef það er rétt er verið að tala um meiri afbrot en áður hefur verið rætt.  Þeir fengu traustið (sem er sennilega sögulegt vitlausasta ákvörðun seðlabankastjórnar nokkurs staðar í heiminum) til að setja Seðlabanka þjóðar sinnar upp við vegg til að halda fyrirtæki sínu gangandi. 

Samkvæmt fréttum kvöldsins til að sópa meiri peningum í sjálfa sig og vildarvini.

Að sjálfsögðu er enginn sekur fyrr en á viðkomandi sannast sekt.  En ef menn verða sakfelldir fyrir þessi efnahagsbrot á að láta aðra kæru koma strax í kjölfarið.

Það verður ákæra um landráð - því þrautavaralánið og það sem fylgdi miðað við fréttir kvöldsins er landráð ef nokkurn tíma slík hafa verið unnin!!!

Af vini

Góðvinur minn Kristján hélt í janúar í víking til vina okkar og frænda í Færeyjum.

Hans er auðvitað saknað um stund en ég hef náð að fylgjast með gengi hans í gegnum heimasíðu Havnar Boltaklúbbs, www.hb.fo en umfjöllunin þar er fín og maður getur alveg lesið færeyskuna.

Ákvað að skella hér inn nýjustu myndinni af kappanum, sem virðist hraustur og hress þrátt fyrir langa útiveru.  Veit að einhverjir sem koma hér þekkja til hans og ákvað því að láta myndina gossa og vísa á tengilinn á heimasíðuna.

Liðið er í dag í efsta sæti færeysku deildarinnar eftir fimm umferðir. 

Vonandi nær maður að kíkja á leik í deildinni áður en tímabilinu lýkur.

Koyr á, HB!!!

Valsarar ráða Valsara.

Valshjartað farið að taka við sér undanfarna dagana - enda Hlíðarendafélagið góður klúbbur þar sem gott var að vinna.

Langar auðvitað að óska Valsstelpum til hamingju með titilinn og um leið taka undir hamingjuóskir Hrafnhildar Skúladóttur til þeirra traustu Valsara sem að fylgja sínu liði hvert sem er.  Ég náði að taka þátt í þeim hópi um stundarsakir og þar voru eingöngu gæðamenn á ferð.

Óskari Bjarna kynntist ég ekki, en hann virkar afar traustur á mig og ber öll einkenni góðs Valsara.  Ég "á í " nokkrum strákum í liðinu sem ég fékk að þjálfa í fótbolta og veit að þar fara metnaðarfullir einstaklingar.

Vinnubrögðum Júlla kynntist ég vel þegar ég þjálfaði fótbolta hjá ÍR og er sannfærður um að hann er Völsurum mikill happafengur.  Hann er metnaðargjarn, skipulagður og yfirvegaður. 

Og með Valshjarta, sem alltaf hefur skipt máli á Hlíðarenda.

Júlíus ráðinn þjálfari Vals

Ferlegt ástand!

Sérkennilegt að sjá grátandi fólk við heimkomu til Keflavíkur í sjónvarpinu í kvöld, fólk sem er greinilega búið að vera undir töluverðu álagi.

Þó að auðvitað sé ekki verið að tala um lífshættu þá er það töluverður streituvaldur örugglega að vera "fastur" erlendis og vita ekki alveg hvenær maður kemst til sinna heima, það hefur líka örugglega verið eilítið sérstakt að fara upp í vél og hafa í bakeyranu að aska sé á sveimi í himingeimnum en treysta því að tölvumyndir sýni rétta staðsetningu hennar.

Það er ljóst að við þurfum að verða öflug í heimsumræðunni þegar að ástandið róast, þetta ferlega ástand er að sparka fast í liggjandi land!

Völlum líklega aftur lokað

Út í óvissuna?

Ekki endilega skemmtilegasti tíminn til að vera að ferðast á meðan á þessu öskuballi stendur. 

Vonandi tekst sem flestum að komast á áfangastaðina sína án þess að þurfa að breyta mikið útfrá upphaflegu ferðaplani og að sama skapi hljótum við öll að kross afingur fyrir því að Eyjafjallajökull fari nú að skella lokinu á gosið og hætti að ergja okkur og umheiminn.

En góða ferð öll sem nú leggið í hann!

Flugvellir opnir fram undir morgun

Vonum það besta.

Gott væri nú ef að öskufallið er nú að minnka.

Skelfilegt að sjá ástandið þarna austurfrá og vonandi fer náttúran að slaka aðeins á spennunni í bili.

Gott hjá Páli að benda fólki á að best sé að ræða við jarðfræðinga um svona mál, enda sérfræðingar þar á ferðinni.

Lítil aska frá gosinu

Var þetta það sem þurfti?

Fréttaflutningur æsifréttamanna erlendra sjónvarpsstöðva hefur kallað það yfir mann að svara áhyggjufullum vinum í útlöndum sem hafa áhuga af heilsu manns og hvort maður fær mat að borða.

Í miðri umræðu um það að verið sé að draga upp dökka mynd af Íslandi stendur forsetinn upp og finnur dekkstu hliðina til að sveifla í fréttirnar.

"Bíðiði bara, þetta verður enn verra"!

Er þetta í alvöru sæmandi æsta manni þjóðarinnar að segja?  Hann gengur lengra en allir jarðfræðingar sem ég hef heyrt í hingað til og vekur ugg víða.  Ekki síst meðal skjólstæðinga sinna á Íslandi sem búa í skugga þeirra fjalla sem nú eru að hreyfa sig.

Er næst hjá honum að fara að tala um snjóflóðavána og jarðskjálftahættu, eða aflabrest?

Ég spyr.....

Gosið nú lítið annað en æfing