Þetta verður að duga!

Svo einfalt.

Því miður voru í kvöld ungir menn sem ekki voru alveg tilbúnir fyrsta hálftímann og það kostaði okkur tap í kvöld.  Agger, Arbeloa og Mascherano fannst mér ekki alveg duga fyrst í stað.  Eftir mark Chelsea settu þeir tappann í baðið og ekkert lak.

Troðfullur Anfield og alvöru árás hristir þá vonandi almennilega!

You'll never walk alone!

Cole tryggði Chelsea sigur á Liverpool

Mennta- og félagsmál

Daginn í dag einbeitti ég mér að því að fylgjast með fréttum og umræðu um félags- og menntamál tengdum komandi kosningum.

Fyrst kom ákaflega jákvætt skref.  Starfshópur fagaðila tilkynnti það að stefna bæri að því að leggja niður samræmd próf í núverandi mynd. FRÁBÆRT!!!!!!!!!  Loksins á að treysta stærsta, elsta og reynslumesta skólastiginu fyrir því að skila af sér fullgildum námsmönnum til framhaldsnáms.

Ég var ansi hreint reiður þegar ákveðið var að fella niður stúdentsprófin samræmdu og skólamenn kepptust við að lýsa yfir sinni ánægju með það að þeim væri treyst áfram.  Við áttum semsagt að sitja undir því að ekki væri hægt að treysta okkur, við þyrftum mælingar próffræðinga sem sumir hverjir hafa aldrei kennt nokkrum manni neitt til að sjá hvað við kynnum.

Og prófin flokka börn í "vonda" og "góða" nemendur sem framhaldsskólarnir grípa svo í dilka.  Fáránlegt kerfi, sem stimplar 16 ára einstaklinga út frá því hversu vel þeir kunna að lesa og minni þeirra er gott.  Aðrir hæfileikar týndir.

Semsagt, gott!!!!  Vissulega þarf að hafa ákveðna stýringu, en skólar eiga að fá að velja sér sínar áherslur, nú tekst kannski t.d. að stofna skóla með áherslu á t.d. umhverfismennt, söng, íþróttir eða hvað annað.  Einkarekinn eða opinberan.

Þá hlustaði ég á fréttirnar og heyrði Ólaf Guðmundsson yfirlækni BUGL loksins koma með hinar réttu útskýringar biðlista á Barna- og unglingageðdeild.  Með allri virðingu fyrir nýju húsnæði.  ÞAÐ FÆST ENGINN SÉRFRÆÐINGUR INN Á DEILDINA VEGNA LÉLEGRA LAUNAKJARA!!!  Þetta eru ekki fréttir fyirr okkur sem höfum verið í samstarfi við það frábæra fólk sem vinnur á deildinni.  Ég upplifði það einu sinni að ræða við þrjá mismunandi sálfræðinga um sama skjólstæðinginn á 5 mánuða tímabili.  Fagfólkið hafði fengið betur launuð störf og stökk á þau.

Þar liggur hinn raunverulegi vandi.  Það verður að hækka laun sérfræðinga á vegum ríkisins VERULEGA.  Okkar minnstu og veikustu skjólstæðingar búa við það að skortur á fagfólki inni á ríkisstofnunum er orðinn það verulegur að skammarlegt er.

Svo kom Siv, sú indæla kona með siglfirskar tengingar, í fréttunum og svaraði ekki fyrir málalflokkinn, neitaði að kommentera á það hvort staðan væri ekki skammarleg en talaði um að auka ætti sérfræðiaðstoð inni á heilsugæslustöðvunum!!!!  Hún brosti breitt þegar hún tók fyrstu skóflustunguna en var ekki tilbúin að svara um líðan þeirra sem inni í steypunni eiga að vera!  Kannski vissi hún ekki um stöðuna.  Birkir Jón lenti í því á sínum tíma á fundi í Ráðhúsinu sem ég sat.  Fékk einfaldlega rangar upplýsingar.  Veit ekki um það, en skömmin mikil.

Svo var það kosningafundur um félags- og menntamál.  Fyrst félagsmálin.  Magnús Stefánsson stóð sig vel.  Kannski er ég orðinn svona mikill Snæfellsbæingur, en mér fannst hann taka rétt á málunum, var ekkert að fela og reyndi að svara fyrir sig.  Ögmundur og Jóhanna náttúrulega algerlega á heimavelli og fóru mikinn.  Frjálslyndir og Íslandshreyfingin frekar nafnlaus.

Svo var það Guðlaugur Þór.  Ég ber heilmikla virðingu fyrir Sjálfstæðisflokknum, hef áður lýst því og sé alveg vegna hvers hann er stærsti flokkur landsins.  Hvernig flokkurinn getur teflt manni eins og Guðlaugi framarlega skil ég ekki.  Hann var illa undirbúinn, þvaðraði um prósentutölur, svaraði ekki spurningum og reyndi að spyrja aðra í staðinn.  Svo kórónaði hann lélega frammistöðu algerlega þegar í umræðum um biðlista á BUGL og Greiningarstöð Ríkisins kom að honum.  Þá benti hann á nýleg foreldranámskeið í Reykjanesbæ sem möguleika á því að stytta biðlistana!!!! SVAKALEGT!  Maðurinn veit algerlega ekkert hvað hann er að tala um.  Veit ekkert hvaða börn bíða eftir vistun á BUGL og greiningu á Greiningarstöð.  Þvílíkar kveðjur sem hann veitti foreldrum þessara FÁRVEIKU barna sem skólar og forráðamenn eru að óska eftir aðstoð fyrir.  SOS námskeið!!!! ERU ÞAU SVÖR FYRIR BÖRN MEÐ VERULEG ÞROSKAFRÁVIK OG/EÐA BÖRN MEÐ GEÐRASKANIR?????

Semsagt, Framsókn, Samfylking og Vinstri Grænir unnu fyrri hlutann.

Svo kom að menntamálum.  Mér fannst sá fundur frekar bragðlítill.  Verð að viðurkenna það að hafa verið sammála nafna mínum hjá Frjálslyndum þegar hann sagði að aukning háskólanáms væri ekki stjórnmálaflokkum að þakka, heldur samfélaginu.  Sammála.  Samfélagið hefur heimtað aukna menntun og þetta eru viðbrögð við því.  Ekki er það síður að þakka leik-, grunn- og framhaldsskólum sem eru nú orðnir vinnustaðir sem nemendum er vel við.  Þess vegna er það sjálfsagt að halda áfram í skóla.  Ef nemendum liði þar illa héldu þeir áreiðanlega ekki áfram í skóla.

Þorgerður Katrín er góður íþrótta- og menningarmálaráðherra og flottur menntamálaráðherra fyrir háskólastigið.  Hún hefur runnið á rassinn í framhaldsskólanum, en viðurkenndi það í kvöld.  Hún er náttúrulega ekki ráðherra grunnskólans.  Alveg ljóst að grunnnámið er ekki mál ríkisins.  Erum við öll sátt við það???  En ekki við Þorgerði að sakast.  Stóð sig eins og við var að búast.

Jón Sigurðsson er mikill skólamaður og var glæsilega undirbúinn, á öllum stigum.  Katrín Jakobsdóttir er einn öflugasti talsmaður VG, bíður af sér mikinn þokka og var gríðarvel undirbúinn.  Björgvin var eins og alltaf, hægur og yfirvegaður.  Stóð sig vel.  Margrét Sverris reyndi, en því miður er lítið að marka Íslandshreyfinguna þegar hún talar um annað en umhverfismál.

Mér fannst röðin vera;  VG, Sjálfstæðisflokkur, Framsókn, Samfylking, Frjálslyndir og Íslandshreyfing.

Er ekki búinn að velja bókstafinn sem ég krossa við enn........

Vona að einhver hafi enst við lesturinn.  Málaflokkarnir standa hjarta mínu og hug nær!

Er álið málið eða kálið?

Ekki veit ég alveg hvort álið er kálið eða málið.

Hins vegar finnst mér afar einfalt.  Ef að á að fjölga álverum á Íslandi á það ekki að vera á suðvesturhorninu.  Finna svæði á landinu þar sem atvinnutækifæri vantar.

En peningamenn hugsa um peninga.  Þess vegna er ekki skrýtið að þeir vilji ekki fara langt frá höfuðborginni þar sem auðvelt er að eyða gróðanum í allt annað en samfélagið sem þeir búa í en styrkja lítið.

Það þarf að skoða heildrænt hvernig samfélagið okkar byggist.  Það er mín skoðun.

Hitaveita Suðurnesja og Norðurál undirrita orkusamning vegna álvers í Helguvík

Gleði á Hlíðarenda!

Gamla Valshjartað slær ört í dag.  Þrátt fyrir hvítbláa ást á ÍR, æskutaugina á Sigló og aðlögun að Víking/Reyni hefur rauði þráðurinn úr Reykjavík aldrei horfið.

Verð alltaf óskaplega glaður þegar Rauðliðarnir á Hlíðarenda lyfta bikar.  Auðnaðist sú gæfa að vinna fyrir Valsmenn um tíma og kynntist þar mikið af frábæru fólki.  Þar á meðal fékk ég að skrifa um leiki handboltaliðsins á heimasíðu félagsins og var því tíður gestur á handboltaleikjunum.

Mikið óskaplega var maður orðinn svekktur á tapleikjum í undan- og úrslitaviðureignum.  Í dag ríkti gleðin, sem birtist mest í taumlausum fagnaðarlátum og ótrúlegri vísu Markúsar Mána í viðtölum!

Óskar Bjarni er það sem ég hef kynnst öðlingsdrengur og á allt gott skilið.

Til hamingju, Valsmenn léttir í lund!!!!

Valsmenn eru Íslandsmeistarar karla 2007

Mikilvægt að hart sé á tekið.

Því miður, því miður hefur enn einn veikur einstaklingur skemmt líf nokkurra annara á hryllilegan hátt.

Ég hef kynnst fórnarlömbum slíkra manna í vinnu minni með börnum.  Það hefur fært mig nær þeim afleiðingum sem slíkt ofbeldi veldur sálarlífi fórnarlambanna.  Í sumum tilvikunum höfðu einstaklingar gert viðvart um atburðinn, í einhver skipti hafði enginn vitað af þeim fyrr en skyndilega löngu seinna.

Ekki fyrir löngu síðan brotnaði stúlka saman í viðtali við mig og lýsti 10 ára gömlum viðburðum.  Ég var sá fyrsti sem hún sagði frá.

Eftir þann feril og þá líðan sem ég varð svo varanlega var við þá er ég enn sannfærðari um mikilvægi þess að mál eins og þessi séu litin alvarlegum augum.  Mjög mikið sannfærðari.....

Ákærður fyrir kynferðisbrot

Á báðum áttum.

Já.

Veit ekki alveg. Keyrði framhjá brunasárinu í gær - á skottúr fjölskyldunnar til Reykjavíkur í fermingarveislu Ástrósar Leu (Lauga Bald).

Verð að viðurkenna að ég væri ekkert fráhverfur því að menn stigu bara glerskrefið, þ.e. rífa restina af Café Óperu/Wunderbar húsinu og flyttu Hressó í Árbæjarsafnið.  Sé ekki að hægt verði að gera nokkuð nema að rífa gömlu húsin niður, þar með finnst mér ekki gáfulegt að byggja eftirlíkingar árið 2007.

Samt er vissulega skrítið að ímynda sér Austurstrætið án gömlu húsanna þarna efst.

Segi bara pass í bili......

VG hvetur til samstöðu um endurreisn húsanna sem brunnu

Þjálfarasnilli!

Mjög glaður með yfirlýsingar Tom Hicks og Benitez í þessari viku. 

Fíla þennan hægláta Spánverja alveg í tætlur.  Yfirvegaður í sínum aðgerðum, klárlega með mikið vit á sínu verki, stóískur maður sem lætur verkin tala.

Er sannfærður um að hann mun skila mörgum titlum áður en hann heldur til Madridar á ný.

Til hamingju Liverpool!

Skýt hér inn í pistilinn um þjálfarasnilli fullkomna virðingu fyrir Benedikt Guðmundssyni og árangri hans með KR í körfunni.

Hef nú ekki oft haldið með KR, ekki í undanúrslitunum þar sem ég vonaðist til að Snæfell setti alvöru íþróttaviðburð á kortið hér á nesinu, og fullkomlega ósáttur við margt í starfi knattspyrnunnar í Vesturbænum í gegnum tíðina.

Benedikt, eða Benni eins og mér skilst hann sé kallaður, stóð sig frábærlega undir mikilli pressu.  Aðdáun mín í gær var gríðarleg.  Sama hvað gekk á þá gátu hans leikmenn alltaf reiknað með að fá yfirveguð ráð og áræðnar áætlanir í leikhléunum.  Því miður náði Einar Árni Njarðvíkingur ekki að fylgja honum.  Þegar áhlaup KR hófst hann var hann jafnvel slegnari en leikmennirnir og mér fannst aldrei spurning hvernig þetta færi.  Vissulega stóð tæpt en kom samt í ljós.

Og mikið var svakaleg stemming.  Hreint með fullkomnum ólíkindum, stórkostleg stemming hjá Vesturbæingum í gær.

Til hamingju KR.

Benítez hafnaði boði frá Real Madrid

Góð helgi og dagur.

Jæja.

Flott helgi.  Gaman á afmælisdaginn.  Afbragðs skata hjá Óla, tala nú ekki um þegar hnoðmorinn var kominn.  Liverpool reyndar frekar slakir í leiknum og 0-0 jafntefli staðreynd.  Létum það nú ekki skemma fyrir okkur, setti upp snakkborð og tók á móti nokkrum gæðingum um kvöldið.

Fúsi, Hebbi, Gunnsteinn og Atli fulltrúar tippklúbbsins, Elfa hélt merki kvenþjóðarinnar á lofti.  Helga var reyndar að spila blak og datt ekki inn heima hjá sér fyrr en um miðnætti en náði þó að sitja aðeins hjá okkur áður en gengið var til náða.

Svo var stormað í Hólminn í sunnudagsrúnt.  Fínheita sundlaug þeirra Hólmara prufuð og aldrei er farið í Hólminn án þess að kíkt sé í Bónus.  Svo keyrt á Sandinn, með ísstoppi og rólegheitin við völd.

Í dag var það svo vinnan, en ánægjulegur endir á vinnudeginum.  Síðasta embættisverkið var að mæta á opinn bæjarstjórnarfund þar sem samþykkt var samhljóða að fara í það að fastráða skólastjórann, Magnús Þór Jónsson.

Það þýðir m.ö.o. að nú er staðfestur vilji beggja til samstarfs, nokkuð sem er vissulega mikill og flottur áfangi.  Nú á bara eftir að ganga frá samningi, sem ég held að verði áreynslulítið.

Fjölskyldan að staldra við á Nesinu um sinn.  Flottur áfangi!

Árinu eldri en í gær.

Jú, mikið rétt.

Höfundur þessarar síðu hefur þarmeð náð þeim háæruverðuga aldri, 36 ára.  Vaknaði í morgun fyrir allar aldir með heimilisstjóranum Sigríði Birtu, þriggja ára.  Húsmóðirin er í burtu í keppnisferðalagi með blakliðinu, kemur ekki fyrr en seint í kvöld þannig að afmæliskaffið okkar verður bara á morgun, þannig að ef einhver er í nágrenninu verður heimilisfaðirinn í barnauppeldi og enska boltanum í dag.

Góður dagur það, alveg ljóst.  Annars bara nokkuð glaður, þessi afmælisdagur með skárra móti bara.  Eftir þann þrítugasta hafa allir hinir verið indælir, en sá dagur var með þeim erfiðari.  Nú þakkar maður bara hvert ár sem líður áfram og er manni yfirleitt gjöfult.  Mitt þrítugasta og fimmta aldursár var afbragðs gott. 

Síðasti afmælisdagur var haldinn hátíðlegur á Hard Rock Café í Köben, í faðmi knattspyrnuliðsins sem ég þjálfaði.  Þá sá ég fram á áframhaldandi búsetu í Garðabæ og vinnu í Breiðholtinu og þjálfun.

Sjáið hvað hefur gerst!  Losaði mig frá höfuðborginni, flutti aftur út á land, hættur að þjálfa fótbolta og farinn að dæma hann.  Ekki lengur deildarstjóri heldur skólastjóri.

Vona að þrítugasta og sjötta aldursárið verði jafn gjöfult og það síðasta.  Það er annars erfitt.

En núna er best að halda áfram.  Ég, Birta og Hekla á leið í íþróttahúsið í Ólafsvík, komum svo heim í Manchester City og Liverpoolleikinn, áður en við förum í matarboð til Óla og Sigrúnar.  Ekki smá veisla, skata og allt tilheyrandi í bílskúrnum fyrir okkur Óla, en ég held að Sigrún ætli að vera með pizzuboð fyrir krakkana inni í húsinu þeirra.

Flottur afmælisdagur!  Bring it on......

Eurovision eftir 29 daga!

Hrollurinn kominn!!!

Er algert Eurovision-frík.  Hef mikið gaman af keppni og manni var kennt það ungum að Eurovisionkvöld eru gleðigjafi þar sem fjölskyldan kemur saman yfir músík, sem þarf reyndar ekkert að seljast í billjónum eintaka, heldur bara að vera skemmtilegt, skrýtið eða lélegt.

Þá er hægt að rífast góðlátlega, klappa ef maður hefur rétt fyrir sér og vera glaður eða fúll yfir sigurvegaranum sem stendur í silfurbrotunum sem rignir á hann/hana þar sem verið er að fara að flytja sigurlagið upp á nýtt.

Hoollurinn kom í kvöld þegar kynningarþáttur sænska sjónvarpsins um Eurovisionlögin fór í gang.  Eiríkur náttúrulega langflottastur, en ég var líka sáttur við lögin frá Moldavíu og Búlgaríu.  Kýpurskutlan flott, en annað dapurt.

Rosa gaman framundan, hápunkturinn 12.maí, vonandi verður rauðhærði, rámi rokkarinn á lokasviðinu!!!!

Eiríkur fékk næstum fullt hús stiga